Хүний нөөцийн мэдээллийн системүүдийн харьцуулсан судалгаа 83 хуудас

УДИРТГАЛ
Сэдвийн үндэслэл:Байгууллагын үйл ажиллагаа болон мэдээллийн технологийн шинэ шийдлүүд эрчимтэй хөгжиж байгаа өнөө үед байгууллагын бүхий л үйл ажиллагааг автоматжуулж нэгдсэн системд оруулан өөрсдийн үйл ажиллагаанд үр ашигтай нэвтрүүлж,  зөв хэрэгжүүлснээр байгууллагад олон төрлийн ач холбогдолтой билээ. Орчин үед байгууллагууд энэ асуудлыг өндөр түвшинд анхааран үзэж системийн шинэ шийдлийг эрэлхийлсээр байна. Тиймээс мэдээллийн системийн сонголтыг зөв хийх асуудал байгууллага бүрт тулгардаг. Байгууллага бүр өөрийн онцлогт тохирсон мэдээллийн системийг сонгож авах ньзүйтэй.
Байгууллагын үндсэн нөөцүүд дотроос хамгийн чухал нь хүний нөөц бөгөөд бусад нөөцүүдийг бодвол шавхагдашгүй баялаг юм. Иймд хүний нөөцийн зохистой бодлого боловсруулж баримтлах, зөв удирдах явдал нь чухал асуудал болдог байна.  Боловсон хүчний бодлогыг тодорхойлох,  хөдөлмөрийн норм тогтоох, хүний нөөцөд зарцуулж буй зардлын  тооцоолтыг хийх, хөдөлмөрийн хуваарьлалт хийх, зохион байгуулах, идэвхижүүлэлтийн хөтөлбөрийг хэрэгжүүлэх, нийгмийн төрөл бүрийн судалгаа явуулах, сургалт хөгжил гэх мэтчилэн олон асуудлууд тулгардаг бөгөөд хүний нөөцийн мэдээллийн системийн тусламжтайгаар  эдгээр асуудлуудыг илүү нарийн боловсронгуй байдлаар хийж гүйцэтгэдэг байна.Иймээс байгууллагын хүний нөөцийн бүхий л асуудлыг оновчтой шийдвэрлэж чадах, хүмүүсийг зөв удирдан зохион байгуулахад чиглэгдсэн өндөр түвшний мэдээллийн системийг нэвтрүүлэх нь чухал юм.
Байгууллага өөрийн хэмжээ болон үйл ажиллагааны онцлогт тохирсон хүний нөөцийн мэдээллийн системийг сонгохын тулд харьцуулсан судалгаануудыг зайлшгүй хийх шаардлагатай юм.

Зорилго:Хүний нөөцийн мэдээллийн системүүдийг харьцуулан судалж, орчин үеийн чиг хандлагыг тодорхойлох, системүүдийн боломжийг судлах

Судалгааны ажлын шинэлэг тал: Бизнесийн байгууллагад хүний нөөцийн менежмент амжилттай хэрэгжүүлэх гол хүчин зүйл болсон хүний нөөцийн мэдээллийн системүүдийн орчин үеийн, манлайлж буй системүүдийг харьцуулан судалсан. Мөн энтерпрайз систем дэхь хүний нөөцийн дэд систем болон дангаараа хөгжиж буй хүний нөөцийн мэдээллийн системүүдийг ялгаж судалсан. 

Судалгааны ажлын объект: Энэхүү судалгааны ажлаа хийж гүйцэтгэхдээ олон улсан болон монгол улсад хөгжүүлсэн хүний нөөцийн мэдээллийн системүүдийг судалгааны обьект болгон сонгож авсан. 

Судалгааны арга зүй:  Тус судалгааны ажлыг хийж гүйцэтгэхдээ шинжлэх ухааны ерөнхий гол аргууд болох дараах аргуудыг ашигласан болно. Үүнд:
•	Шинжилгээний аргууд: анализ, синтез, ангилах, нэгтгэн дүгнэх
•	Эмпирик судалгааны аргууд: ажиглалт, мэдээлэл цуглуулах, үр дүнг нь боловсруулах
•	Баримт бичиг судлах, тэдгээрт шинжилгээ хийх, нотолгоо үндэслэл гаргах
•	“Technology Evaluation Center” , “Software Advice” болон “Find The Best” зэрэг програм хангамжийн зөвөлгөө болон судалгааны байгууллагуудын харьцуулалтын модулийг ашиглах
•	Судалгааны сэдвийн хүрээнд хүний нөөцийн менежмент, мэдээллийн систем, хүний нөөцийн мэдээллийн системийн талаар ном сурах бичиг, гарын авлага, судалгаа шинжилгээний тайлан, мэдээ баримтуудтай танилцаж түүндээ шинжилгээ хийх

Судалгааны ажлын бүтэц: Энэхүү  судалгааны ажил нь дараах  3 бүлгээс бүрдэнэ. Судалгааны ажлын нэгдүгээр бүлэг онолын судалгааг “Хүний нөөцийн менежмент ба мэдээллийн системийн үндсэн ойлголтууд” сэдэвтэйгээр хийж гүйцэтгэсэн. Тус бүлэг дотроо 3 дэд бүлгүүдээс бүрдэж байна. 
1.1.	Хүний нөөцийн менежментийн онолын зарим асуудал
1.2.	Мэдээллийн системийн тухай ойлголт
1.3.	Хүний нөөцийн мэдээллийн системийн агуулга, мөн чанар
Онолын судалгааг хийж гүйцэтгэхдээ мэргэжлийн ном сурах бичиг, гарын авлагууд болон эрдэмтэд судлаачдын судалгааны ажлууд, цахим мэдээ мэдээллүүдийг ашигласан болно.
Судалгааны ажлын хоёрдугаар бүлэг нь “Хүний нөөцийн мэдээллийн системүүдийн судалгаа” сэдэвтэй ба дотроо 3 дэд бүлгүүдээс бүрдэнэ. 
2.1.	Хүний нөөцийн мэдээллийн системүүдийг өнөөгийн чиг хандлага
2.2.	Монгол улсад хөгжүүлж буй хүний нөөцийн мэдээллийн системүүдийн харьцуулсан судалгаа
2.3.	Олон улсад хөгжүүлж буй хүний нөөцийн мэдээллийн системүүдийн харьцуулсан судалгаа 
Судалгааны ажлын гуравдугаар бүлэг нь “ Интерпрайз систем дэхь хүний нөөцийн дэд систем болон хүний нөөцийн мэдээллийн системүүдийн онцлог, боломжуудыг судалсан нь” сэдэвтэй, 2 дэд бүлэгтэй байна. Үүнд: 
3.1.	Интерпрайз систем
3.2.	Интерпайз систем дэхьхүний нөөцийн дэд систем болон хүний нөөцийн мэдээллийн системийн харьцуулалт